Janur Kuning

Dak sawang mega ing angkasa
Peteng, adem, mendunge saya mrepet
Lambe mripat ngisorku keduten
Apa kang bakal kedadean

Awak iki pating greges
Nyawang lakonmu kang ora nggubres
Unggah ungguh saya ngeres

Aku ngguyu marang kanca
Guyuku pating cekakak
Lambeku mangan enak
Aku saya gumyak

Mega iku ..
Saya tua..
Guyuku iku ..
Jebul guyu tua .

Mripatku mbrebes mili ..
Mili ing pipi
Atiku kaya gedupak sapi ..
Lara ..
Nalika nyawang janur kuning
Mlengkung ngarep omahmu ..